Nesta sección atoparás acceso ás páxinas webs e redes sociais de asociacións, fundacións e entidades que traballan activamente no ámbito da saúde mental. Tamén atoparás recursos de axuda e acompañamento a persoas en materia de conduta suicida.
Neste enlace poderás atopar moitísima información de interese sobre o fenómeno do suicidio no estado español organizado por noticias, recursos, estudos e mapas con datos actualizados tanto por ano como por territorios.
Tamén recolle a boa noticia de que dende maio deste ano comezouse a traballar na creación dun Plan de Acción para Previr o Suicidio para o período 2025-2027, e que se pretende abordar dende unha perspectiva multidisciplinar onde se impulsará a deprescripción de psicofármaxos, especialmente entre a poboación xoven" para incrementar por outra banda "a da prescripción social, é dicir, prescripción de recursos accesibles na propia comunidade beneficiosos para a saúde".
Dende Aférrate alégranos enormemente que se traballe neste camiño posto que o suicidio debe ser entendido como un fenómeno multicausal e, por ende, abordado e coordinado dende as diferentes disciplinas tales como a educativa, social, medioambiental ou artística.
As situacións en crise poden surxir en calquera ámbito da vida familiar, laboral, educativa, etc. e por iso é necesario saber actuar nestas situacións. Aínda que estas situación acostumar a ser abordadas por profesionais de emerxencia, cremos que é de interese coñecer tanto a teoría como o abordaxe da conduta suicida para sensibilizarnos ante esta realidade.
No seguinte enlace atoparedes un documento creado polo Colexio Oficial de Psicológos/as do Principado de Asturias e que naceu como unha guía práctica que recolle información valiosa para saber intervir ante estas situacións.
Iremos recollendo aquelas entidades galegas que traballan no eido da saúde mental. Se ves que falta algunha, non dubides en facérnolo saber no seguinte correo: aferrate@alborada.org e será engadida a lista.
Federación Galega de Asociacións de Familiares e Persoas con Enfermidade Mental FEAFES
Fundación Española para la Prevención del Suicidio
A FSME é un referente a nivel nacional na investigación e na práctica de Prevención, Intervención e Postvención da Conduta Suicida. Aquí poderás atopar recollida bibliografía, datos estatísticos, formacións e páxinas que nos achegan a este fenómeno dende unha perspectiva crítica e en constante actualización, e desglosada por comunidades autónomas.
No ano 2015 creou o Observatorio do Suicidio en España co obxectivo de manter, analizar e divulgar datos sobre a conduta suicida no estado español para a súa disminución e prevención.
Asociación de Profesionales en Prevención y Posvención del Suicidio
Coordinada polo psicólogo Daniel López Vega esta asociación sen ánimo de lucro con sede en en Andalucía traballa na prevención e posvención da conduta suicida a nivel nacional.
Recollen material de autoaxuda, documentos científicos e todo tipo de materiales para promover aquelas iniciativas relativas a prevención, a investigación, o tratamento e a posvención na conduta suicida.
A súa páxina web é unha ventá chea de recursos tanto para as persoas afectadas, superviventes, familias e profesionais.
Aidatu. Asociación Vasca de Suicidiología
É unha asociación vasca sen ánimo de lucro creada no 2017 cuxo obxectivo principal é traballar para diminuír o impacto do fenómeno do suicidio no seu entorno máis inmediato.
Mediante o coñecemento deste fenómeno como problema de saúde pública, divulgando e difundido na sociedade os recursos de prevención do suicidio, da intervención e tratamento das persoas superviventes e orientándose a previr e dar asistencia as persoas que se atopen inmersas nesta realidade.
Tamén realizan unha labor de incidencia social e política colaborando con institucións e organizacións co fin de adoptar plans e programas que poñan no centro a importancia do traballo neste ámbito.
Hoxe polo día Mundial de Prevención do Suicidio saimos no Faro de Vigo cunha entrevista que nos fixo a periodista Ágatha de Santos. Desexamos que vos resulte de interese o proxecto Aférrate. Programa de Prevención da Conduta Suicida.